العاب كرة قدمالعاب كمبيوتر
أخر الأخبار

PES 2021 | تحميل بيس 2021 للكمبيوتر حصريا على سريونا

PES 2021 | تحميل بيس 2021 للكمبيوتر

نبذة عن لعبة بيس 2021 :

أعزائي في جميع  انحاء الوطن العربي أهلا بيكم، أنا المشرف من موقع سريونا | Sriona والنهار دا هنراجع لعبة Pes 2021 اللي هي لعبة ومش لعبة في نفس الوقت، فهي تميل كـ update أكثر من لعبة كاملة بس حنشوف، طبعا قبل ما نبدأ المقال بفكرك بالشير وأتمنى لك قراءة جميلة، المهم لعبة بيس 2021 بتقدم لينا ايه، ودا فعلا السؤال المهم، ايه الجديد، اول حاجة نتكلم فيها طبعا هي الـ graphics، والـ graphics حلوة، حلوة قوي كمان، اللعيبة بشكل عام شكلهم حقيقة قوي، الـ swat animation وتعبيرات الوش على الجانب الإيجابي جدا، لكن للاسف الفرق مش كبير عن Pes 2020 ، الإختلاف مش واضح وصريح، يعني زي ما يقول ان لعبة Pes 2021 هي نفسها لعبة Pes 2020 من ناحية الـ graphics، بس حاجة عملت فرق معاي جدا هي كانت الـ camera movement، وقد ايه هي كانت بتحسسني اني انا في ماتش حقيقي وأوقات كنت بنسى اني أنا بلعب لعبة، الـ camera movement كانت معمولة بطريقة ذكية جدا شبه الحقيقة بالضبط، دا كان بيزود قوي من حماس اللعبة ومتعتها، دا غير المذيعين اللي كانوا مليانين طاقة أكتر من مذيعين فيفا الصراحة، اللي تعبونا من كتر التكرار ولا كأنهم بيقروا من ورقة قدامهم، فالتكرارية في المذيعين هنا كانت قليلة، وكانوا يزعقوا قوي في الكورة فكانوا بيدوك الحتة الحماسية اللي بنحبها في كورة القدم، لكن ولو، لعبة بيس 2021 في مشكلة كبيرة ودا بسبب منافستها للعبة Fifa 2021 السنوية، وأكتر حاجة لاحظتها ودايقتني جدا في اللعبة دي كانت الـ minus وقد ايه هي شكلها كأنك رجعت بالزمن لأيام wining 11 اللي كنا بنلعبها على الـ consoles القديمة وكنا فرحانين جدا بالـ minus ساعتها، لكن الـ  minus ما تنفعش في بيس 2021 ، الـ minus مملة جدا وبهتانة، ما فيهاش أي روح، بتخليك عايز تنجز عشان تخش الماتش على طول، دا غير الـ tutorials اللي كلها text ومفيش فيديو ولا حتى صورة عشان تفهمك أسرع وأحسن، فالموضوع كله كان للاسف ممل وحزين كدة في نفسه، خصوصا ان الـ minus في فيفا دايما شكلها جذاب جدا، فما ينفعش لعبة كورة فيها شكل minus بالشكل دا للأسف، بتخليك طول ما إنت قاعد في minus يلا ننجز عشان نخش ماتش وخلاص، ولكن حنيجي نتكلم عن الناحية الإيجابية فأضافت الشركة في لعبة  Pes 2021 حاجات ممكن تكون حسنت الـ game play شوية، زي مثلا الدريبلين بقى مزبوط أكتر، التمريرات بقت fluid أكتر، بقت سريعة بقت مرنة، اللعيبة نفسهم ما بقاش فيهم تخبيط، بل بالعكس في هدوء ووزن لكل لعيب، دا غير الـ dashing أو نظام الجري بقى أحسن شوية،

PES 2021 | تحميل بيس 2021 للكمبيوتر

لكن واجهت مشاكل قوي في الذكاء الإصطناعي بتاعة اللعيبة اللي معاي في الفرقة، ما كانوش بيجروا في الأماكن الصاح أو حتى يفتحوا مساحات، ودا كان بيبطأ اللعب بنسبة ملحوظة جدا، ودا ضر اللعبة أكتر ما خلاها تكتيكية، سرعة اللعبة جزء مهم جدا في الـ game play بس من الواضح أنهم ما عرفوش يوزنوها السنة دي خالص، فمهما كان الـ game play كويس أو الـ shooting كويس أو كدة بس الحاجات دي لا تكفي أنها تشيل اللعبة على كتفها، يعني حاجة بتضايق ناس كتير وهتفضل تضايق ناس أكتر هي أسامي الفرق، وأن مش كل الأسامي موجودة وده بسبب الترخيص، فدا بيقلل من قيمة اللعبة جدا، عشان بتحس أنك بتلعب لعبة في arcade ومش لعبة كورة محترمة، يعني ايه فايدة ان الناس تقعد تدور على اسامي الفرق اللي هي بتحبها وما تلاقيهاش، وتلاقيها بإسم غريب أو عجيب، حتى اللوقو مش هو هو، فخسارة جدا خصوصا ان لعبة زي فيفا عندها كل التراخيص لكل الفرق، واحنا في وقت وزمن زي دا ما يتهيأليش هنبقى بنحب حاجة زي كدة، أو نستحملها، فلو حنتكلم عن الـ game modes مش حنلاقي حاجات مثيرة للإهتمام غير مثلا game mode my club، وعشان في الأول وفي الآخر شبه مود ultimate team اللي في فيفا بس على أضعف وأسوأ للأسف، هي نفس الفكرة بتخش تلعب تجيب points تجيب لعيبة، تفتح زي نوع من أنواع الـ packs ويطلع لك لعيب شكل وتحطه في الفريق وهكذا تعمل upgrade للفريق بتاعك لحد ما توصل لفريق كويس جدا، بس اللي ضايقني جدا في بيس 2021 ان الدنيا مش موزونة خالص، يعني انا أول ماتش لعبته تقريبا لعبت ضد واحد معاه رونالدو وميسي وبيون، ودي ناس تقيلة قوي، ودا خلاه يكتشف انه انت من السهل تعمل فرقة كويسة في اللعبة دي وبسرعة، ودي بتعتمد عليك إنت كشخص، لو بتحب الحاجة دي ولا لا، في ناس بتقول على الموضوع دا ممتع، وفي ناس بتقول على الموضوع دا يعني ليه انا كدة الـ grind ما بيبقاش موجود، دا ببوظ سكة انك تروح تفتح اللعبة كل شوية عشان to upgrade الفريق بتاعك، انا في رأي طالما الـ grind قل يبقى قيمة اللعبة قلت عشان ما بتفتحاش كتير وتلعبها أكتر، أصل أيه الفايدة طالما خلاص انا عملت الفريق اللي أنا عاوزه في وقت قليل، فبتنتهي اللعبة بسرعة، Pes 2021 في الأول وفي الاخر مكتوب عليها ان هي seasonal update هم قايلين لينا كدة بوضوح، ودي حاجة نحترمها، وحتى تمنها مش 60 دولار، هي 30 دولار ( لكنها بالمجان في موقع سريونا | Sriona ) ، بس الحاجات الجديدة مش ملحوظة حتى انك تدفع فيها الرقم دا قوي، كان يبقى الموضوع أحسن بكتير لو كان عملوا مثلا update كبير للعبة وحبوا يحطوا له تسعيرة، كانوا يخلوا التسعيرة 10 دولار وكانوا يركزوا على لعبة مختلفة تماما في PES 22 مثلا وتبقى متغيرة بشكل كبير، فأحنا مش حنستفيد كتير بـ squads معمول لها update kits جديدة أكتر ما نستفيد بـ game play مختلف و game modes جديدة معمولة انها تجذب اللعيبة، في الأول وفي الأخر دي مشاكل الألعاب الرياضية السنوية اللي بتنزل لينا على طول، اللي ممكن تتحل بـ update سنوي يكون سعره كويس بس أهم حاجة يحطوا لنا game modes جديدة وحاجات مختلفة بدل ما نشتري لعبة كل سنة على الفاضي، Pes 2021 قدمت game play بس تعبت في تقديد content يخليك عايز تلعبها كتير، تقيمنا لـ اللعبة 6/10، وبكدة عزيزي الـقارئ نكون قد اكملنا مراجعة لعبة Pes 2021، اتمنى انه يكون المقال عجبك، وجاء وقت سؤال المقال، لو إنت من محبين بيس  وبتلعبها كل سنة، هل حتلعبها السنة دي ولا حتلعب Fifa 2021، أحب أعرف رأيكم في الـ comments وليه، بس قبل ما نمشي حأفكرك بالـ share، والأهم من دا كله تعمل subscribe لـ سريونا في اليوتيوب عشان ما يفوتكش اي حاجة في عالم الالعاب كان معكم المشرف من موقع سريونا |Sriona  دمتم في رعاية الله وشكرا.

PES 2021 | تحميل بيس 2021 للكمبيوتر
PES 2021 | تحميل بيس 2021 للكمبيوتر
PES 2021 | تحميل بيس 2021 للكمبيوتر

متطلبات تشغيل لعبة PES 2021 :

الادنى :

نظام التشغيل : Windows 8.1 / Windows 10 64-Bit
المعالج : Intel Core i5-3470 @ 3.20GHz / AMD FX-4350 Quad-Core
بطاقة الفيديو : GeForce GTX 670 / Radeon HD 7870
RAM الرام: 8 GB
مساحة القرص الصلب : 40 GB Free
Directx : Directx 11

الموصى بها :

نظام التشغيل : Windows 10 64-Bit
المعالج : Intel Core i7-3770 @ 3.40GHz / AMD FX-8350 Eight-Core
بطاقة الفيديو : GeForce GTX 760 / Radeon R9 270X
RAM الرام : 8 GB
مساحة القرص الصلب : 40 GB Free
Directx : Directx 11

تحميل بيس 2021 للكمبيوتر :

والآن بعد ان انتهينا من مراجعة لعبة بيس 2021 وقمنا باستعراض اللعبة تقريبا من كل الجوانب الاساسية التي توضح رسالة اللعبة وهل هي فعلا تناسبك ام اتمنى ان تكونو قد استفدتم من هذا المقال وان كانت لديكم اي تساؤلات يمكنكم كتابتها في التعليقات وسوف اقوم بالرد في اسرع وقت وشكرا.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى