العاب كرة قدمالعاب كمبيوتر
أخر الأخبار

FIFA 2021 | تحميل فيفا 2021 للكمبيوتر حصريا على سريونا

اقرأ في هذا المقال
  • gfdgf
FIFA 2021 | تحميل فيفا 2021 للكمبيوتر حصريا على سريونا

نبذة عن لعبة فيفا 2021 :

مرحبا بكم في موقع سريونا | Sriona لتحميل الالعاب والبرامج والتطيبقات للكمبيوتر والاندرويد مجانا, من فترة طويلة و فيفا ما بقاش ليها منافس حقيقي يقدم أحسن من اللي بتقدمه كلعبة محاكاة لرياضة كرة القدم، على رغم المحاولات لـ PES تقديم الأفضل كل سنة، ولكن فيفا نجحت عن طريق اهتمامها بدورين الـ ultimate team و pro clubs أنها تكتسح السوق مبيعا، وتبقى كل سنة نازلة في ساحة المعركة ليها أفضلية بفرق شاسع، لكن هل التفرد بالنجاح دا شيء صحي لمجتمع اللاعبين، كل إصدار لفيفا بيكلفك 60 دولار، والفروق بتقى بسيطة جدا ما بين إصدار والتاني، على الرغم من أنها ممكن تكون ماشية في الإتجاه الصحيح ولكن هل Fifa 2021 هي استمرارية لسياسة التحسن التدريجي، دا اللي هنعرفه في مراجعة النهارده.

مبدئيا أول حاجة هتلاحظها لما تدخل فيفا 2021 هو نفس تصاميم القوائم مع تغيرات بسيطة متمثلة في الألوان، بعدين هتلاحظ لو دخلت اللعبة نفسها أن التطوير الصوري منعدم، شوية وشوش محدثة وبس، يبقى الحال على ما هو عليه في كل جوانب اللعبة إلا جوانب بسيطة ولكن تأثير دا مش ضئيل إطلاقا، إسلوب اللعبة فيه كذا إضافة مهمين حنتكلم عنهم دلوقتي، أهم الإضافات دي هي خاصية جديدة وهي ان اللاعب جسمه بكون أكتر إستجابة لـ الـ input بتاعك بحيث تعدي بسهولة في موقف واحد على واحد، الإضافة التانية وهو الـ assisted headers ودي خاصية ممكن تفتحها وتقفلها من الـ settings بتيح لك أن ضربات الرأس تبقى موجهة أكتر وأنك تتحكم في اتجاهها بشكل أكتر دقة وحرية، والتغيير دا جاء بسبب ان عدد الأهداف من ضربات الرأس قل جدا في النسختين اللي فاتوا، وفي إضافة تالتة إسمها creative runs ودا يعتبر من الـ features المهمة اللي موجودة في Fifa 2021 السنة دي، وفي إضافة كمان إسمها الـ blare lock بتنفذها عن طريق الضغط على L3 وR3 مع بعض، بتتحكم يا أما في اللاعب اللي بيمرر الكورة أو اللاعب اللي عايزه يستلم الكورة وتحركه في المساحة المطلوب إستغلالها، الـ controls دي بتبقى مهمة ومحتاجة أجزاء من الثانية لإتخاذ القرار، طبعا بتبقى صعبة في الأول كأنك على أرض الملعب بجد، تم تحسين الـ AI ( الذكاء الاصطناعي ) وزادت الفروق ما بين اللعيبة الكبيرة والضعيفة، وهنا خليني أتكلم شوية عن game play العرضيات بقت أدق وليها أنواع أكتر، قبل كدة كنت تحس ان العرضيات بتضمن لك هدف، لكن دلوقتي بقت بتتأثر أكتر بنوع العرضية وسرعة الكورة وإرتفاعها وحركة جسم اللاعب، مشكلة السنة دي ما نزلش demo لـ اللعبة واللي أجبرنا نتعلمها من المواجهة المباشرة، وانا شخصيا كنت بخسر بالسبعة والثمانية أهداف لحد ما وصلت لـ division two بعد 40 ماتش تقريبا، الدفاع على الرغم من تحسينه إلا أن التحكم فيه بقى أصعب والمدافعين نفسهم بحالات، وأوقات كتيرة بقطع الكورة وبيحصل rebound توصل للمهاجم تاني، مع إني ما جربتش مدافعين كتير ولكن معاي فاران وقوميز لاني شايف السرعة مهمة جدا للمدافعين، بسبب إعتماد المهاجمين عليها وأسلوب اللعبة اللي بيسهل الهجوم من الأطراف في المقام الأول ، و glitch الـ fake shot في الـ squad battle لسة موجود، واللعيبة القلتشات اللي ليتها قليل  وسعرها قليل وتؤدي بشكل كويس جدا موجودة، التحكيم وما أدراك ما التحكيم، بيحسب كروت حمراء وضربات جزاء من الهواء، فاولات صريحة متتحسبش، وحالات تستاهل طرد بيدي تحذير، في خلال 100 ماتش تقريبا شفت أكتر من عشرة حالات فيها عبط تحكيمي، والموضوع محتاج update بأسرع ما يمكن، الـ custom tactics بقت مهمة جدا وممكن تغير الخطة جوا الماتش بشكل مستمر بسبب نظام اللعبة السنة دي في سهولة الهجوم من الأطراف أو إختراق المهاجمين من وسط الدفاع بسبب الـ creative runs ودا في حالة انك بتلعب بخطة wide أو ضغط عالى هتحتاج ليه كل ما تقابل حد مستواه عالي، فيها بالنسبة لي ميزة أنها بتدي لك حرية أكبر وتحكم في اللي بيحصل جوة الملعب، من تكتيكات وتعامل الفريق مع بعضه ودلوقتي التحرك بدون كورة، لكن لو أنت لاعب عادي بتلعب برة كل فترة مش حتحس بالفروق الدقيقة دي،

FIFA 2021 | تحميل فيفا 2021 للكمبيوتر حصريا على سريونا

وأكيد حيكون همك أكبر أطوار اللعبة، هل فيها جديد ولا لا، أكثر طور كان منسي من فترة طويلة هو الـ career mode، وهنا في بعض التحسينات عليه زي مثلا إمكانية التدخل وسط ماتش لو إنت عايز تشوت ضربة جزاء، أو النتيجة مش عاجباك تقدر تدخل وسط الماتش، كمان في بداية المود بيبقى في إختيار إسمه financial takeover واللي بيفور لك ميزانية كبيرة للإنتقالات، كأن النادي بيتم بيعه لمثتثمر جديد، زي ما تم إضافة شرط الإعارة مع أحقية الشراء، دا بند مهم موجود حاليا في الكورة عالميا ما كانش موجود في الفيفا لحد السنة دي، أحد أهم التغيرات في الـ career mode انه تم إضافة 3 فئات للتطور في اللاعب، حاجة تانية هي الـ moral و الـ sharpness، الأولى كانت موجودة قبل كدة، ولكن الجديد هو علاقتها بالتانية، الـ sharpness هي قد ايه اللاعب مندمج مع ضغط الماتشات، وبتخليه يتصرف صاح في المواقف الصعب، أنه مثلا يعمل سيف من على خط القول، أو يحط هدف في ماتش مقفول، ولكن لو فضلت تضغط عليه في التمارين والماتشات فتركيز اللاعب حيقل وبالتالي مستواه بيبدأ ينزل، في برضو إمكانية تغيير مركز اللاعبين لأي مركز إنت عايزه، زي ما كلنا عارفين لقاريس فيل بدأ حياته لفت باك لحد ما وصل لجناح يمين في الريال، ودا عن طريق مجموعة من التدريبات الخاصة واللي بتتيح لك إحتمال تطور أكتر للاعب ممكن تكتشفه إنت زي أي مدرب حقيقي وايضا هو إنك دلوقتي تقدر تلعب بتعدد مع أصحابك، ودا ما كانش موجود السنة اللي فاتت، الكوب ما كانش مبرر انه ما يبقاش موجود أصلا، ولكن نقدر نقول إن دا تصليح خطأ مش تحسين، مع انه فولتا أحد الأطوار اللي ليه إمكانية كبيرة ولكن للأسف ما فيهوش أي تجديد السنة دي، لكن بشكل عام مود تم تصميمه بشكل كويس وممتع، طبعا الكل بينتظر فيفا 2021 عشان الـ ultimate team بشكل أساسي، عشان كدة في إهتمام كبير بتقديم بعض التحسينات عليه، أولها وجود الكوب في الـ squad battles والـ rivals والـ friend leaves، ووجود objectives خاصة بيها، أعلنوا عن تحديات الـ icon swap تاني من فيفا 19 بعد ما كان اتلغى في فيفا 2020، وفي جوائز مجزية جدا على الـ placement بعد أول خمس ماتشات rivals وبعدها جوائز كل ما تطلع division أعلى، وفي الـ squad battles حتقدر تلعب الأربعين ماتش بتوعك في أي وقت حتقدر تعمل رفريش حتى لو حتخلصهم كلهم يوم الإتنين، ما بقاش في كروت fitness و  training في الـ ultimate team خالص، وتم إستبدالهم في الباكات بإضافات شكلية تقدر من خلالها تعدل على شكل الملعب بتاعك من حيث شكل الأراضي وكراسي الجماهير والبنرات وغيرها من التفاصيل، يعني بشكل عام كل التغيرات دي هدفها التحسين من التجربة مش الإضافة ليها، أو تغيير جزري على الـ ultimate team، دا طبعا هيفرق مع لعيبة الـ ultimate ولكن ما اعتقدش حيجذب لعيبة جديدة للدور دا، أو يحول لاعب عادي للاعب مواظب على الـ ultimate team، في النهاية بدأت ملامح إنعدام المنافسة تظهر على الصراع بين فيفا و بيس، Fifa حاليا بتعمل ما بدا لها، وفي سنين بتنزل فيها اللعبة بدون أي تغير صريح، وكونامي بتحاول تحافظ على القاعدة الجماهيرية الموجودة للعبتهم بأبديت وجوده زي عدمه، زي ما تكون بتحاول تبعد عن منافسة فيفا، إصدار  Fifa 2021من ناحية فيه تحسينات، ومن ناحية تانية هو إستمرار للسير فيها في الإتجاه نفسه من فيفا 17، فما تتوقعش أي تغيير ثوري، فيفا 2021 هي إستمرارية لنموذج التحسين البطيء، مع تقديم لعبة بسعر كامل، على الرغم أن كونامي قدمت تحديث سنوي PES 2021 بسعر 30 دولار فقط، ولكن على كل حال دا شيء مش سلبي لو إنت من عشاق الـ ultimate team وبتستنى اللعبة كل سنة، لكن بالنسبة لي أنا شخصيا فمستني أشوف تغير محترم على الجيل الجديد زي ما حصل الجيل اللي فات، لحد هنا بيخلص رأينا وإنطباعنا عن فيفا 2021، لو إنت لعبتها قول لنا رأيك في التعليقات، ولو إنت ما لعبتهاش تقدر تحملها من موقعنا سريونا | Sriona  مجانا ما تنساش تعمل مشاركة للمقال و تشترك في القائمة البريدية الموجودة في الاسفل عشان تتابع كل جديد عن عالم الـ video games، دمتم في رعاية الله وشكرا.

FIFA 2021 | تحميل فيفا 2021 للكمبيوتر حصريا على سريونا
FIFA 2021 | تحميل فيفا 2021 للكمبيوتر حصريا على سريونا
FIFA 2021 | تحميل فيفا 2021 للكمبيوتر حصريا على سريونا

متطلبات تشغيل فيفا 2021 :

الادنى :

نظام التشغيل : ويندوز 7, 8.1, 10.
ذاكرة الوصول العشوائي : الرامات 8 جيجا فيما فوق.
مساحة القرص الصلب : الهارد 50 جيجابايت.
المعالج : Core i3-2100 3.1GHz أو AMD Phenom II X4 965 أو ما يعادلهما.
كارت شاشة : AMD Radeon HD 7850 أو NVIDIA GeForce GTX 660 أو ما يعادلهما.
نظام النواة : 64 بت، هذه اللعبة لا تعمل علي نظام 32 بت.
رام فيديو : Ram Video 2 GB
الانترنت يمكنك الحصول على 1 ميجا من سرعة الانترنت.
اختياراً يمكنك تثبيت بطاقة رسوميات : DirectX 11 .

الموصى بها :

نظام التشغيل : ويندوز 10.
المعالج : Core i5-3550 3.3GHz أو AMD FX-8150 أو ما يعادلهما .
رامات : 12 جيجا بايت.
كرت شاشة : AMD Radeon R9 270X او NVIDIA GeForce GTX 670 .
نظام النواة : 64 بايت.
رام فيديو : Ram Video 2 GB
مساحة تخزين على الهارد : 50 جيجابايت.
اختباراً تثبيت بطاقة رسوميات تتوافق مع DirectX 11 او اصدار DirectX 12 .
يفضل الحصول على سرعة انترنت 5 ميجابايت سوف تحصل علي سرعة عالية.

تحميل فيفا 2021 للكمبيوتر :

والآن بعد ان انتهينا من مراجعة لعبة FIFA 2021 وقمنا باستعراض اللعبة تقريبا من كل الجوانب الاساسية التي توضح رسالة اللعبة وهل هي فعلا تناسبك ام اتمنى ان تكونو قد استفدتم من هذا المقال وان كانت لديكم اي تساؤلات يمكنكم كتابتها في التعليقات وسوف اقوم بالرد في اسرع وقت وشكرا.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى